Posted by: natia da levani
on DECEMBER_SHORT 25, 2009
Tagged in: Untagged
ჩვენი არასამთავრობო ორგანიზაცია ''მშობლების თანადგომა'' არის არაკომერციული, არამომგებიანი ორგანიზაცია, რომელიც მუშაობს შ.შ.მ. პირთა (ინვალიდთა) საკითხებზე.
ორაგანიზაციის მიზნებია: შ.შ.მ.პირთა ინდივიდუალური განვითარება, საზოგადოებაში ინტეგრაცია და მათი უფლებების დაცვა; ადამიანის უფლებათა და თავისუფლებათა საერთაშორისო ნორმების რეალური ამოქმედების ხელშეწყობა და ინვალიდთა ოჯახის წევრების გააქტიურება. საქართველოს სოციალურ-ეკონომიკურ სიტუაციაში კვლავ დომინირებს სიღარიბის მაღალი დონე. გაღატაკების პირას მისულმა ბევრმა ოჯახმა ბავშვები - ბავშვთა დაწესებულებებს ჩააბარა რათა მათ დღიური ულუფა ჰქონოდათ. გაეროს ბავშვთა ფონდის მონაცემებით საქართველოში 10722 შ.შ.მ ბავშვია, რომლებიც ან სახლშია ან სპეციალურ დაწესებულებებში არიან მოთავსებულნი. არ არის საკმარისი ჩვენი შვილების ადამიანური ღირსების შესაფერისი გარემოს შემქმნელი სერვის -ცენტრები.
პრობლემის ამ ფონზე ჩვენ მშობლებმა გადავწყვიტეთ შეგვექმნა მშობელთა გაერთიანება რათა ჩვენ თვითონ ვიზრუნოთ ჩვენი შვილების მომავალზე და არსებული მდგომარეობის გამოსწორება-გაჯანსაღებაზე.
კავშირ ’’მშობლების თანადგომას’’-ს ბაზაზე ფუნქციონირებს დღის ცენტრი, რომელიც ემსახურება 40 ბენეფიციარს (ინვალიდ ბავშვს 8- 18 წლამდე) და სთავაზობს შემდეგ სერვისს: ფსიქოლოგის და ლოგოპედის მომსახურება, მუსთერაპია, არტთერაპია, ერგოთერაპია, დრამთერაპია. ბავშვები ცენტრში უზრუნველყოფილნი არიან ორჯერადი კვებით. საზოგადოებაში ინტეგრაციის მიზნით ცენტრი აწყობს ბავშვთა ნამუშევრების გამოფენა-გაყიდვებს და კონცერტებს, ასევე ვესწრებით სხვადასხვა კულტურულ ღონისძიებეს.
კავშირ ’’მშობლების თანადგომას’’-ს ფუნქციონირება არ შეუძლია საზოგადოების,ქველმომქმედებისა და კეთილი ადამიანების გარეშე.
ჩვენი ბენეფიციარები ჩვენი საზოგადოების წევრები და შვილები არიან. მათი სატკივარი ჩვენი სატკივარია, მათი სიხარული კი ჩვენი სიხარულია. გთხოვთ, გულთან ახლოს მიიტანოთ, როგორც ჩვენი წარმატებები ასევე ჩვენი გასაჭირი და გახდეთ ჩვენი მეგობრები.
ჩვენ გთავაზობთ პარტნიორბას და მხარდაჭერას შემდეგ საკითხებში:
- გაგვიცნოთ და გახდეთ ჩვენი მეგობრები.
- დაგვეხმაროთ ახალი მეგობრების და მხარდამჭერის მოძიებაში.
- შეძლებისდაგვარად გაიღოთ მატერიალური შემოწირულობა ჩვენი ბენეფიციარებისათვის.
Posted by: Leonardo
on JANUARY_SHORT 18, 2007
Hello,
ეს არის ჩემი ბლოგის ტესტი, აქ შეგიძლიათ ყველას გქონდეთ თქვენი ბლოგის განყოფილება დესპანზე სადაც გამოაქვეყნებთ თქვენს წერილებს
